Plantun de Prouvènço

Pèr coumpara dos planto d'encò nostre

Thymus nervosus & Juniperus thurifera

Ferigouleto(-de-Ventour)

Thymus nervosus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym à nervures saillantes.

Descripcioun :
Aquelo meno de ferigouleto s'atrobo sus lou cresten de Ventour ounte fai d'iero mai o mens grosso. Li fueio di ramo soun proun enlaçado e sarrado. D'après li darrièris estùdi sarié la memo meno qu'aquelo di Pirenèu ounte i'èi mai courènto. Es uno endemico d'aquéstis endré.

Usanço :
La ferigouleto-de-Ventour a à pau près li mémi prouprieta qu'aquéli de la ferigoulo estènt quand meme mens forto. Pamens vau mies de pas l'acampa qu'es uno planto endemico au nostre, e de ferigoulo n'avèn proun.

Port : Pichoto planto lignouso
Taio : 10 à 50 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 1800 à 2800 m
Aparado : Noun
Remarco : Endemico dóu Ventour
Jun à juliet

Liò : Tepiero roucaio
Estànci : Subaupen à Aupen
Couroulougi : Ouroufito-Sud-Ouèst-Éuropenco
Ref. sc. : Thymus nervosus J.Gay ex Willk., 1893

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).